விளாத்திகுளம்,ஏப்.14: விளாத்திகுளம் அரசு மருத்துவமனை 24 மணி நேர மருத்துவர்கள் வசதி மற்றும் மருத்துவ சேவை பெறும் மருத்துவமனையாக மாற்றப்படும் என அமமுக வேட்பாளர் டாக்டர் ஜோதிமணி வாக்குறுதி அளித்துள்ளார்.விளாத்திகுளம் சுற்றுவட்டார பகுதியில் உள்ள 20க்கும் மேற்பட்ட கிராமங்களில் அமமுக வேட்பாளர் டாக்டர் ஜோதிமணி வீதிவீதியாக சென்று பொதுமக்களிடம் வாக்குகள் சேகரித்தார்.அப்போது அவர் பேசுகையில், விளாத்திகுளம் அரசு மருத்துவமனை தரம் உயர்த்தப்பட்டு பொது மக்களுக்கு மருத்துவ சேவை வழங்கப்பட வேண்டும் என்பது விளாத்திகுளம் தொகுதி பொதுமக்களின் பல ஆண்டு கோரிக்கையாக இருந்து வருகிறது. அமமுக சார்பில் போட்டியிடும் என்னை எம்எல்ஏவாக தேர்வு செய்தால் விளாத்திகுளம் அரசு மருத்துவமனை 24 மணி நேர மருத்துவர்கள் வசதி மற்றும் மருத்துவ சேவை பெறும் மருத்துவமனையாக மாற்றப்படும்.