சிவகங்கை, ஏப். 12: சிவகங்கையில் நடைபெற்ற பிஜேபி பிரச்சார கூட்டத்தில் திமுக, காங்கிரஸ் தலைவர்கள் குறித்து அவருவருப்பான முறையில் பேசியதாக தமிழக தலைமை தேர்தல் ஆணையம் மற்றும் சிவகங்கை மக்களவை தேர்தல் நடத்தும் அலுவலரிடம் புகார் அளிக்கப்பட்டுள்ளது. திமுக சார்பில் அளிக்கப்பட்டுள்ள புகாரில் கூறியிருப்பதாவது: ஏப்.10 அன்று சிவகங்கை அரண்மனை வாசல் சண்முக ராஜா கலையரங்கம் முன்பு பாஜக சார்பில் தேர்தல் பிரசார கூட்டம் நடந்தது. அதில் பாஜக வேட்பாளர் எச்.ராஜாவை ஆதரித்து சிவகங்கை அதிமுக நகர செயலாளர் ஆனந்தன், முன்னாள் தேமுதிக பிரமுகர் மாரிமுத்து, பாஜகவைச் சேர்ந்த மோகன், குப்புச்சாமி ஆகியோர் பேசினர். முன்னாள் முதல்வர் கலைஞர், திமுக தலைவர் மு.க.ஸ்டாலின், காங்கிரஸ் தலைவர் ராகுல்காந்தி, சோனியா காந்தி, முன்னாள் நிதி அமைச்சர் ப.சிதம்பரம், சிவகங்கை மக்களவை தொகுதி வேட்பாளர் கார்த்திசிதம்பரம் ஆகியோர் குறித்து அருவருப்பான வகையில் பேசியுள்ளனர்.