கோவை, மார்ச் 8: கோவையில் இன்று மார்க்சிஸ்ட் கம்யூனிஸ்ட் கட்சியின் மண்டல மாநாடு நடக்கிறது. இதில், சீதாராம் யெச்சூரி பங்கேற்று பேசுகிறார். கோவை மாவட்ட மார்க்சிஸ்ட் கம்யூனிஸ்ட் சார்பில், கோவை மண்டல மாநாடு கோவை சிவானந்தாகாலனியில் இன்று மாலை 5 மணிக்கு நடக்கிறது. மார்க்சிஸ்ட் கம்யூனிஸ்ட் கட்சியின் மாநில செயலாளர் பாலகிருஷ்ணன் தலைமை தாங்குகிறார். அரசியல் தலைமைக்குழு உறுப்பினர் ஜி.ராமகிருஷ்ணன் முன்னிலை வகிக்கிறார். கோவை மாவட்ட செயலாளர் ராமமூர்த்தி வரவேற்கிறார். இதில், மார்க்சிஸ்ட் கம்யூனிஸ்ட் கட்சியின் அகில இந்திய பொதுச்செயலாளர் சீதாராம்யெச்சூரி சிறப்புரையாற்றுகிறார்.