பட்டிவீரன்பட்டி, பிப். 21: சிங்காரக்கோட்டை ஊராட்சி ஒன்றிய நடுநிலைப்பள்ளியில் வட்டார அளவிலான இலவச கராத்தே பயிற்சி முகாம் நடைபெற்றது, பட்டிவீரன்பட்டி, சித்தரேவு, சிங்காரக்கோட்டை, போடிகாமன்வாடி அரசு பள்ளிகளில் 6 முதல் 8ம் வகுப்பு வரையிலான மாணவ, மாணவிகள் சுமார் 50 பேர் கலந்து கொண்டனர். 3 மாதம் நடந்த இம்முகாமில் அண்ணலங்கே, அமுவேலவன், மனுநீதிசோழன் ஆகியோர் பயிற்சி வழங்கினர். இதில் முதல்கட்ட பயிற்சியான மஞ்சள்பட்டை முடித்த மாணவ, மாணவிகளுக்கு பரிசு, சான்றிதழ்களை தலைமையாசிரியை வளர்மதி வழங்கினார். மேலும் முகாமில் பங்கேற்ற மாணவ, மாணவிகளுக்கு பரிசுபொருட்களை ஊர்மக்கள் வாங்கியும்கொடுத்து உற்சாகப்படுத்தினர்.