அழகர்கோவில், ஜூன் 20: கள்ளழகர் கோயில் திருமாலிருஞ்சோலை, தென்திருப்பதி என்றும், போற்றி புகழப்படும் பெருமை படைத்தது. 108 வைணவ ஸ்தலங்களில் ஒன்றானது. வற்றாத நூபுரகங்கையுடன் அருள்பாலித்து வரும் மதுரை அழகர்கோவிலிலுள்ள கள்ளழகர் கோயிலாகும். இக்கோயிலில் நடைபெறும் திருவிழாக்களில் ஆனி மாதம் ஆண்டுதோறும் நடைபெறும் முப்பழ உற்சவ விழாவும் ஒன்றாகும். இந்த விழா வருகிற 28ம் தேதி வியாழக்கிழமை அன்று மாலை 6.30 மணிக்கு மேல் 7 மணிக்குள் கள்ளழகர் கோயிலில் நடைபெறுகிறது. இக்கோயிலின் உப கோயிலான மதுரை தல்லாகுளம் பிரசன்ன வெங்கடாஜலபதி பெருமாள் கோயிலில் அதே தேதியில், அதே நேரத்தில் அதே விழா நடைபெறும்.