பொன்னேரி: திருவள்ளூர் கிழக்கு மாவட்டம் பொன்னேரி தொகுதி மீஞ்சூர் வடக்கு ஒன்றியத்திற்குட்பட்ட பழவேற்காட்டில் தமிழ்நாடு முதல்வர் மு.க.ஸ்டாலின் 70வது பிறந்த நாள் தின பொதுக்கூட்டம் நேற்று முன்தினம் மாலை நடைபெற்றது. திருவள்ளூர் மாவட்ட சிறுபான்மை நல உரிமை பிரிவு செயலாளர் பழவை முகம்மது அலவி ஏற்பாட்டில் நடைபெற்ற இந்த பொதுக்கூட்டத்தில் திருவள்ளூர் கிழக்கு மாவட்ட கழக செயலாளரும், கும்மிடிப்பூண்டி சட்டமன்ற உறுப்பினருமான டி.ஜே.கோவிந்தராசன் தலைமை வகித்தார். சிறப்பு அழைப்பாளராக தமிழ்நாடு பால்வளத் துறை அமைச்சர் ஆவடி சா.மு.நாசர் கலந்து கொண்டு நல திட்ட உதவிகளை வழங்கினார்.