மெல்போர்ன்: ஆஸ்திரேலிய ஓபன் டென்னிஸ் தொடரின் கலப்பு இரட்டையர் பிரிவில் சக வீரர் ரோகன் போபண்ணாவுடன் இணைந்து 2வது இடம் பிடித்த இந்திய நட்சத்திரம் சானியா மிர்சா, கிராண்ட் ஸ்லாம் போட்டிகளில் இருந்து விடைபெற்றார். இறுதிப் போட்டியில் பிரேசிலின் லூயிசா ஸ்டெபானி - ரபேல் மேடோஸ் ஜோடியுடன் நேற்று மோதிய சானியா - போபண்ணா ஜோடி 6-7 (2-7), 2-6 என்ற நேர் செட்களில் போராடி தோற்றது. இப்போட்டி 1 மணி, 27 நிமிடத்தில் முடிவுக்கு வந்தது.