திருவனந்தபுரம்: சபரிமலையில் சமீபத்தில் முடிந்த மண்டல, மகரவிளக்கு சீசனில் பக்தர்கள் அதிக எண்ணிக்கையில் குவிந்ததால் கோயில் வருமானம் முந்தைய வருடங்களை விட அதிகரித்தது. இந்த சீசனில் மட்டும் இதுவரை கோயில் மொத்த வருமானம் ₹320 கோடியை தாண்டியுள்ளது. வழக்கமாக மண்டல, மகரவிளக்கு சீசனில் மொத்த வருமானம் ₹250 கோடிக்குள் தான் இருக்கும் என்பது குறிப்பிடத்தக்கது. நடை திறக்கப்பட்ட நவம்பர் 16ம் தேதி முதல் நாணயங்களை எண்ணும் பணியில் 200க்கும் மேற்பட்ட ஊழியர்கள் ஈடுபடுத்தப்பட்டனர். ஆனால் நாளுக்கு நாள் நாணயங்கள் குவிந்ததால் அவற்றை எண்ண முடியாமல் ஊழியர்கள் திணறினர்.