பள்ளிப்பட்டு: ஆர்.கே.பேட்டை பகுதியில் நேற்று நடமாடும் மண் பரிசோதனை நிலையத்தில் விவசாயிகளிடம் வேளாண் கல்லூரி மாணவர்கள் விழிப்புணர்வு ஏற்படுத்தினர். திருவள்ளூர் மாவட்டம், ஆர்.கே.பேட்டை வட்டார வேளாண்மை துறை சார்பில், நேற்று ஆர்.கே.பேட்டையின் பல்வேறு பகுதிகளில் நேற்று நடமாடும் வாகனத்தின் மூலம் வேளாண் கல்லூரி மாணவர்களுக்கு செய்முறை பயிற்சியாக, விவசாயிகளின் மண் மாதிரிகளை பரிசோதனை செய்தனர். இதன்மூலம் விவசாயிகள், தங்கள் நிலத்தின் மண்ணை பரிசோதித்து, உரிய முறையில் மகசூல் பெறும் பயிர்களை சாகுபடி செய்வதால் மகசூலை அதிகரித்து இரட்டிப்பு லாபம் பெறமுடியும் என்று வேளாண்மை அலுவலர்கள் விழிப்புணர்வு ஏற்படுத்தினர்.