பிரிஸ்பேன் காபா மைதானத்தில் நேற்று நடந்த சூப்பர்-12 சுற்று முதல் பிரிவு லீக் ஆட்டத்தில் இலங்கை - ஆப்கானிஸ்தான் அணிகள் மோதின. டாஸ் வென்று பேட் செய்த ஆப்கானிஸ்தான் 20 ஓவரில் 8 விக்கெட் இழப்புக்கு 144 ரன் குவித்தது. ரகமதுல்லா 28, உஸ்மான் கானி 27, இப்ராகிம் ஸத்ரன் 22, நஜிபுல்லா 18 ரன் எடுத்தனர். இலங்கை பந்துவீச்சில் ஹசரங்கா 4 ஓவரில் 13 ரன் விட்டுக்கொடுத்து 3 விக்கெட் கைப்பற்றினார். லாகிரு 2, ரஜிதா, தனஞ்ஜெயா தலா 1 விக்கெட் வீழ்த்தினர்.