குஜராத் : சர்வதேச ஆங்கில மொழி சோதனை தேர்வில் மோசடி செய்து அமெரிக்காவில் குடியேற முயன்ற வழக்கில் ஒருவருக்கு லுக்அவுட் நோட்டீஸ் வழங்கியிருக்கும் குஜராத் போலீசார் சிறப்பு புலனாய்வு குழுவையும் அமைத்திருக்கிறது. அமெரிக்கா, பிரிட்டன், கனடா உள்ளிட்ட நாடுகளுக்கு மேற்படிப்பிற்காகவோ அல்லது வேலைக்காகவோ செல்வோருக்கு குறைந்தப்பட்ச ஆங்கில அறிவு இருப்பது அவசியம். அதற்காக சர்வதேச ஆங்கிலமொழி சோதனை அமைப்பு 140க்கு மேற்பட்ட நாடுகளில் 1600க்கு மேற்பட்ட தேர்வு மையங்களில் தேர்வு நடத்தி உரிய சான்றிதழ்களை வழங்கி வருகிறது.