லண்டன்: விம்பிள்டன் கிராண்ட் ஸ்லாம் டென்னிஸ் தொடரின் ஆண்கள் ஒற்றையர் பிரிவு பைனலில், நடப்பு சாம்பியன் நோவாக் ஜோகோவிச்சுடன் (செர்பியா) ஆஸ்திரேலியாவின் நிக் கிர்ஜியோஸ் இன்று மோதுகிறார்.விம்பிள்டன் தொடரில் ஏற்கனவே 6 முறை சாம்பியன் பட்டம் வென்றுள்ள ஜோகோவிச் (35 வயது, 3வது ரேங்க்), 32வது முறையாக கிராண்ட் ஸ்லாம் தொடரின் பைனலில் விளையாட உள்ளார். விம்பிள்டனில் இது அவருக்கு 8வது பைனல் ஆகும். அதிக கிராண்ட் ஸ்லாம் பட்டங்கள் வென்ற வீரர்கள் பட்டியலில் ஸ்பெயினின் ரபேல் நடால் 22 பட்டங்களுடன் முதலிடத்தில் உள்ளார். சுவிஸ் நட்சத்திரம் ரோஜர் பெடரருடன் 2வது இடத்தை பகிர்ந்துகொண்டுள்ள ஜோகோவிச் (தலா 20 பட்டங்கள்) 21வது பட்டம் வென்று நடாலை நெருங்குவாரா என்ற எதிர்பார்ப்பு எழுந்துள்ளது.