புதுடெல்லி: வங்கிகள் வேலை நிறுத்தம் தொடர்பாக நடந்த முதல் கட்ட பேச்சுவார்த்தை தோல்வி அடைந்துள்ளது.வாரத்திற்கு இரண்டு நாட்கள் விடுமுறை, ஓய்வூதியத்தை மாற்றி அமைத்தல், பழைய ஓய்வூதிய திட்டத்தை மீண்டும் செயல்படுத்துதல், நிலுவையில் உள்ள இதர பிரச்னைகளுக்கு தீர்வு காணுதல் உட்பட, ஐந்து அம்ச கோரிக்கைகளை வலியுறுத்தி வரும் 27ம் தேதி வேலை நிறுத்தம் செய்ய வங்கி ஊழியர்கள், அதிகாரிகள் சங்கங்களின் கூட்டமைப்பு முடிவு செய்து அறிவிப்பு வெளியிட்டுள்ளது.இந்நிலையில், அகில இந்திய வங்கி ஊழியர்கள் சம்மேளனத்தின் பொதுச்செயலாளர் வெங்கடாச்சலம் டெல்லியில் அளித்த பேட்டியில் கூறியதாவது:வரும் 27ம் தேதி நாடு முழுவதும் வங்கிகள் வேலை நிறுத்தம் என அறிவிப்பு வெளியிட்டுள்ளோம். இதையடுத்து, இன்று (நேற்று) தலைமை தொழிலாளர் ஆணையத்தின் தரப்பில் பேச்சுவார்த்தை நடத்த அழைப்பு விடுத்தனர்.