புனே: எம்சிஏ ஸ்டேடியத்தில் நேற்று இரவு நடந்த இப்போட்டியில், டாஸ் வென்ற குஜராத் முதலில் பேட் செய்தது. தொடக்க வீரர்களாக கில், சாஹா களமிறங்கினர். சாஹா 5 ரன் எடுத்து மோஷின் பந்துவீச்சில் வெளியேற, அடுத்து வந்த வேட் 10 ரன், ஹர்திக் 11 ரன் எடுத்து ஆவேஷ் பந்துவீச்சில் விக்கெட்டை பறிகொடுத்தனர். குஜராத் 9.1 ஓவரில் 51 ரன்னுக்கு 3 விக்கெட் இழந்து திணறிய நிலையில், கில் - மில்லர் ஜோடி 4வது விக்கெட்டுக்கு 52 ரன் சேர்த்தது. மில்லர் 26 ரன் (24 பந்து, 1 பவுண்டரி, 1 சிக்சர்) விளாசி ஹோல்டர் பந்துவீச்சில் பதோனி வசம் பிடிபட்டார். கடைசி கட்டத்தில் கில் - திவாதியா இணைந்து ஸ்கோரை உயர்த்தினர்.