ஜெர்மனியின் ஸ்டுட்காட் நகரில் நடக்கும் போர்ஷே கிராண்ட் பிரீ மகளிர் டென்னிஸ் தொடரின் காலிறுதிக்கு முந்தைய சுற்றில் விளையாட, செக் குடியரசு வீராங்கனை கரோலினா பிளிஸ்கோவா தகுதி பெற்றுள்ளார். சக வீராங்கனை பெத்ரா குவித்தோவாவுடன் நேற்று மோதிய பிளிஸ்கோவா 6-4, 4-6, 7-6 (7-5) என்ற செட் கணக்கில் 2 மணி, 23 நிமிடம் போராடி வென்றார். அவர் அடுத்த சுற்றில் ரஷ்ய வீராங்கனை லியுட்மிலா சாம்சனோவாவின் சவாலை சந்திக்கிறார்.