வாஷிங்டன்: ரஷ்யாவை சேர்ந்த பிரபல டென்னிஸ் வீராங்கனை மரியா ஷரபோவா. 35 வயதான இவர் 5 கிராண்ட்ஸ்லாம் பட்டங்களை வென்றுள்ளார். ரஷ்யாவுக்காக ஆடினாலும் அமெரிக்காவில் தான் வசித்து வருகிறார். 2020ம் ஆண்டு டென்னிசில் இருந்து ஓய்வு பெற்ற இவர், நேற்று தனது 35வது பிறந்தநாளை கொண்டாடினார். இதையொட்டி அவர் இன்ஸ்டாகிராம் பக்கத்தில் தான் கர்ப்பமாக இருக்கும் படத்தை வெளியிட்டுள்ளார். இதில் விலைமதிப்பற்ற தொடக்கம், இருவருக்கு பிறந்தநாள் கேக் சாப்பிடுவது எப்போதுமே எனது சிறப்பு என பதிவிட்டுள்ளார்.