லாஸ் ஏஞ்சல்ஸ்: ஹாலிவுட் காமெடி நடிகர் ஜிம் கேரி சினிமாவை விட்டு விலகுவதாக அறிவித்துள்ளார். ‘தி மாஸ்க்’, ‘ப்ரூஸ் தி அல்மைட்டி’, ‘பேட்மேன் ஃபார் எவர்’, ‘கிக்-ஆஸ் 2’, ‘லயர் லயர்’ உள்பட பல படங்களில் நடித்துள்ள அவர், 1983ல் வெளியான ‘தி செக்ஸ் அன்ட் வயலென்ஸ் பேமிலி ஹவர்’ என்ற படத்தில் அறிமுகமானார். 1994ல் வெளியான ‘ஏஸ் வென்ச்சுரா: பெட் டிடெக்டிவ்’, ‘தி மாஸ்க்’, ‘டம்ப் அன்ட் டம்பர்’ போன்ற படங்கள் ஹிட்டானது. ‘தி மாஸ்க்’ படம் அவருக்கு உலகம் முழுவதும் அதிகமான ரசிகர்களைப் பெற்றுத்தந்தது. இந்நிலையில், ஜிம் கேரியின் வாழ்க்கையில் பல எதிர்பாராத சம்பவங்கள் நடந்து அவரை மன உளைச்சலுக்கு ஆளாக்கியது.