இண்டியன் வெல்ஸ்: அமெரிக்காவில் நடைபெறும் பிஎன்பி பாரிபா ஓபன் டென்னிஸ் தொடரின் மகளிர் ஒற்றையர் பிரிவு 3வது சுற்றில் விளையாட, போலந்து வீராங்கனை இகா ஸ்வியாடெக் தகுதி பெற்றார். 2வது சுற்றில் டென்மார்க்கின் கிளாரா டாவ்சனுடன் நேற்று மோதிய ஸ்வியாடெக் 6-7 (3-7) என்ற கணக்கில் முதல் செட்டை டை பிரேக்கரில் இழந்து பின்தங்கினார். பின்னர் சுதாரித்துக் கொண்டு அதிரடியாக விளையாடிய அவர் 6-2, 6-1 என அடுத்த 2 செட்களையும் கைப்பற்றி வெற்றியை வசப்படுத்தினார். மிகவும் விறுவிறுப்பாக அமைந்த இப்போட்டி 2 மணி, 18 நிமிடத்துக்கு நீடித்தது.