காஞ்சிபுரம்: உலக நன்மைக்காக, உக்கம் பெரும்பாக்கம் நட்சத்திர விருட்ச விநாயகர் கோயிலில் வரும் 13ம் தேதி 108 கோபூஜை நடக்கிறது. காஞ்சிபுரம் - வந்தவாசி சாலை, உக்கம்பெரும்பாக்கத்தில், 27 நட்சத்திர விருட்ச விநாயகர் கோயில் அமைந்துள்ளது. இங்கு ஆண்டுதோறும், தை மாதத்தில் உலக நன்மை, குடும்ப நன்மை, செல்வம் பெருகவும், பெண்கள் தீர்க்க சுமங்கலியாக வாழவும், 108 கோ பூஜை விழா நடத்தப்படுவது வழக்கம். இதைதொடர்ந்து, வரும் 13ம் தேதி காலை, 7 மணிக்கு நட்சத்திர விருட்ச விநாயகர் மற்றும் 27 நட்சத்திர அதிதேவதைகள், வள்ளி தேவசேனா சமேத சிவசுப்ரமணியருக்கு சிறப்பு அபிஷேகம், மகா தீபாராதனையும் நடக்கிறது.