கும்மிடிப்பூண்டி: கும்மிடிப்பூண்டி கிழக்கு ஒன்றியம் சார்பில் கவரப்பேட்டையில் திமுக உறுப்பினர் சேர்க்கை முகாம் நடைபெற்றது. இதில் டி.ஜெ.கோவிந்தராஜன் எம்எல்ஏ விண்ணப்ப படிவங்களை வழங்கினார். திருவள்ளூர் கிழக்கு மாவட்டம் கும்மிடிப்பூண்டி கிழக்கு ஒன்றியம் சார்பில் கவரப்பேட்டை பகுதியில் கிழக்கு ஒன்றிய பொறுப்பாளர் கி.வே.ஆனந்தகுமார் ஏற்பாட்டில் திமுக உறுப்பினர் சேர்க்கை முகாம் நேற்று நடைபெற்றது. இதில் பொறுப்பு குழு உறுப்பினர் இளங்கோ, ஒன்றிய துணைச் செயலாளர்கள் திருமலை, பாஸ்கரன், வேதாச்சலம், கணேசன், கீழ்முதலம்பேடு ஊராட்சி தலைவர் நமச்சிவாயம், மாவட்ட பிரதிநிதி காளத்தி, மாவட்ட கவுன்சிலர் சாரதம்மா முத்துசாமி, ராமஜெயம், மாவட்ட பிரதிநிதி காளத்தி, இஸ்மாயில், முன்னாள் அமைப்பாளர் சதிஷ் ஆகியோர் முன்னிலை வகித்தனர்.