கடையம் : கடையம் அருகே மேற்குத் தொடர்ச்சி மலையடிவாரத்தில் கடனாநதி மற்றும் ராமநதி அணைகள் உள்ளது. இந்த அணைகள் மூலம் சுமார் 14 ஆயிரம் ஏக்கர் விவசாய நிலங்கள் நேரடியாகவும், மறைமுகமாகவும் பாசன வசதி பெறுகின்றன. மேலும் 25க்கும் மேற்பட்ட கிராமங்களின் குடிநீர் தேவையை பூர்த்தி செய்கின்றன. தற்போது பெய்து வரும் தொடர் மழை காரணமாக 85 அடி கொள்ளளவு கொண்ட கடனா நதி அணை 83 அடியையும், 84 அடி கொள்ளளவு கொண்ட ராமநதி அணை 82 அடியையும் எட்டியது.