இண்டியன்வெல்ஸ்: பிஎன்பி பாரிபாஸ் ஓபன் டென்னிஸ் ஆடவர் ஒற்றையர் பிரிவில் ரஷ்யாவின் டேனில் மெட்வடேவ் மற்றும் மகளிர் ஒற்றையர் பிரிவில் செக். குடியரசின் கரோலினா பிளிஸ்கோவா உட்பட முன்னணி வீரர்கள், வீராங்கனைகள் 2ம் சுற்றில் வெற்றி பெற்றுள்ளனர். ஆடவர் ஒற்றையர் பிரிவில் இன்று காலை நடந்த 2ம் சுற்றுப் போட்டியில் ரஷ்யாவின் டேனில் மெட்வடேவுடன், அமெரிக்க வீரர் மெக்கன்சி மெக்டொனால்ட் மோதினார். இதில் மெட்வடேவ் 6-4, 6-2 என நேர் செட்களில் மெக்டொனால்டை வீழ்த்தினார். ஆடவர் ஒற்றையர் பிரிவு 2ம் சுற்றில் முன்னணி வீரர்களான தென்னாப்பிரிக்காவின் லாயிட் ஹாரிஸ், அமெரிக்காவின் டாமி பால், பல்கேரியாவின் கிரிகோர் டிமிட்ரோவ், கனடாவின் டெனிஸ் ஷபோவலோவ் மற்றும் நார்வேயின் இளம் பீரர் காஸ்பர் ரூட் ஆகியோரும் 2ம் சுற்றில் வெற்றி பெற்றுள்ளனர்.