செங்கல்பட்டு: செங்கல்பட்டு மாவட்டம் காட்டாங்கொளத்தூர் ஒன்றியத்திற்கு உட்பட்ட ஆலப்பாக்கம் முன்னாள் தலைவர் சல்குருவின் மகளான 5வது வார்டு மாவட்ட கவுன்சிலர் பதவிக்கு அதிமுக சார்பில் போட்டியிடும் இளம் வாக்காளர் எஸ்.மோகனப் பிரியா, வல்லம் பகுதி 23 வது வார்டு ஒன்றிய கவுன்சிலர் பதவிக்கு அதிமுக சார்பில் போட்டியிடும் குமாரிராஜா. இரட்டை இலை சின்னத்திலும் வல்லம் ஊராட்சி மன்ற தலைவர் பதவிக்கு அதிமுக சார்பில் போட்டியிடும் அருள்தாசனுக்கு ஆட்டோ சின்னத்திலும் வாக்குகள் கேட்டு காட்டாங்கொளத்தூர் ஒன்றிய முன்னாள் சேர்மனும், காட்டாங்கொளத்தூர் ஒன்றிய செயலாளருமான சம்பத்குமார் தலைமையில் வல்லம் ஊராட்சிக்கு உட்பட்ட நாவிதர்நகர், சாந்திநகர், நேருநகர், திருப்போரூர் கூட்ரோடு உள்ளிட்ட பகுதிகளில் வீதி வீதியாக திறந்தவெளி ஜீப்பிலும் வீடு வீடாக சென்றும் மக்களை நேரில் சந்தித்தும் தங்களது தேர்தல் வாக்குறுதிகள் மற்றும் துண்டு பிரசுரங்களாக வழங்கி தீவிர வாக்கு சேகரிப்பில் ஈடுபட்டனர்.