திருக்கழுக்குன்றம்: தமிழகத்தில் நடைபெற உள்ள ஊரக உள்ளாட்சி தேர்தலையொட்டி திமுக மற்றும் கூட்டணி கட்சி சார்பில் போட்டியிடும் மாவட்ட கவுன்சிலர் வேட்பாளர், ஒன்றிய கவுன்சிலர் வேட்பாளர், ஊராட்சி மன்ற தலைவர் வேட்பாளர் ஆகியோரின் அறிமுக கூட்டம் திருக்கழுக்குன்றம் தெற்கு ஒன்றியம் புதுப்பட்டினத்தில் நேற்று முன்தினம் மாலை நடந்தது. இதில் சிறப்பு அழைப்பாளராக தமிழ்நாடு பாடநூல் கழக தலைவர் திண்டுக்கல் ஐ.லியோனி கலந்து கொண்டு வேட்பாளர்களை அறிமுகப்படுத்தி பேசினார். அப்போது அவர் பேசுகையில், திமுக மற்றும் கூட்டணி கட்சி சார்பில் போட்டியிடும் வேட்பாளர்கள் பெருவாரியான வாக்குகள் வித்தியாசத்தில் வெற்றி பெற நிர்வாகிகள் பாடுபட வேண்டும்.