கொல்கத்தா: மேற்குவங்கத்தில் கடந்த 14 ஆண்டுகள் இல்லாத அளவு பெய்த கனமழையால் பல்வேறு பகுதிகள் வெள்ளத்தில் மூழ்கியுள்ளன. தலைநகர் கொல்கத்தா மற்றும் அதன் சுற்றுவட்டாரங்களான தாப்சியா, உல்டாதங்கா, பால்மர் பசார், ஜோத்பூர் பூங்கா உள்ளிட்ட பகுதிகளில் கடந்த 2 நாட்களாக பெய்து வரும் தொடர் கனமழையால் சாலைகளில் முழங்கால் அளவுக்கு மழைநீர் தேங்கியுள்ளது. சாலைகளில் மட்டுமின்றி தண்டவாளத்தையும் மழைநீர் ஆக்கிரமித்ததால் போக்குவரத்து ஸ்தம்பித்தது. கொல்கத்தாவில் இருந்து புறப்படும் சில ரயில்கள் ரத்து செய்யப்பட்டுள்ளன.
மேற்குவங்கத்தில் 14 ஆண்டுகளில் இல்லாத அளவு கொட்டி தீர்த்த கனமழை..சாலையில் ஊர்ந்து செல்லும் வாகனங்கள்..!!
