சண்டிகர்: `விவசாயிகள் தாக்கப்பட்ட விவகாரத்தில் விசாரணைக்கு உத்தரவிட தயார். விசாரணையில் விவசாயிகள் மீது தவறு இருப்பது தெரிய வந்தால் அவர்கள் மீது கடும் நடவடிக்கைப்படும்,’ என்று அரியானா உள்துறை அமைச்சர் தெரிவித்தார். அரியானாவில் கடந்த மாதம் முதல்வர் மனோகர் லால் கட்டார் காரை வழிமறித்த விவசாயிகள் மீது போலீசார் தடியடி நடத்தினர். அப்போது, அவர்களின் மண்டையை உடைக்கும்படி உத்தரவிட்ட கர்னால் மாவட்ட கலெக்டர் ஆயுஷ் சின்காவை சஸ்பெண்ட் செய்யும்படி வலியுறுத்தி, கர்னால் கலெக்டர் அலுவலகத்தை நேற்று 3வது நாளாக முற்றுகையிட்டு விவசாயிகள் தொடர் போராட்டம் நடத்தி வருகின்றனர். இங்கு ஆயிரக்கணக்கான விவசாயிகள் கூடி இருப்பதால், மாநிலம் முழுவதும் போராட்டம் பரவும் நிலை உருவாகி இருக்கிறது. இதனால், அசம்பாவிதங்கள் ஏற்படுவதை தடுக்க கர்னால் மாவட்டத்தில் மொபைல் இணைய சேவை துண்டிக்கப்பட்டுள்ளது.