ஸ்ரீநகர்: காஷ்மீரில் தீவிரவாதிகள் நடத்திய தாக்குதலில் அரசியல் கட்சி தலைவர் ஒருவர் உயிரிழந்தார். அங்கு பல்வேறு இடங்களில் பாதுகாப்பு படை வீரர்கள் மற்றும் தீவிரவாதிகளுக்கு இடையே நிலவும் துப்பாக்கி சண்டையால் பதற்றம் நீடிக்கிறது. ஜம்மு காஷ்மீரின் குல்காம் மாவட்டத்தில் அப்னி பார்ட்டி கட்சியின் நிர்வாகியான குலாம் ஹசனை தீவிரவாதிகள் வீடு புகுந்து துப்பாக்கியால் சுட்டனர். இதில் படுகாயம் அடைந்த அவர் மருத்துவமனையில் கொண்டு செல்லும் முன்பே உயிரிழந்தார். குல்காம் மாவட்டத்தில் கடந்த 10 நாட்களில் அரசியல் கட்சியினர் மீது 3 முறை தாக்குதல் நடந்துள்ளது.