சென்னை: தமிழ்நாடு காங்கிரஸ் கமிட்டி தலைவர் கே.எஸ்.அழகிரி நேற்று வெளியிட்டுள்ள அறிக்கை: 140 கோடி மக்கள் தொகைகொண்ட இந்திய நாட்டில், இதுவரை ஒரு நாளைக்கு சராசரி 50 லட்சம் என்றளவில் 29 கோடி மக்களுக்கு ஒரு டோஸ் தடுப்பூசி போடப்பட்டுள்ளது. தற்போதைய நிலையில், ஒன்றிய அரசின் இலக்கின்படி, 100 சதவிகித மக்களுக்கு டிசம்பர் 2021க்குள் தடுப்பூசி போடுவதற்கான வாய்ப்பு இல்லை. தவறான தடுப்பூசி கொள்கை காரணமாக கொரோனா தொற்றிலிருந்து மக்களைப் பாதுகாக்க ஒன்றிய பாஜ அரசு முற்றிலும் தவறிவிட்டது. ஆண்டுக்கு 2 கோடி பேருக்கு வேலை அளிக்கப்படும் என்று வாக்குறுதி கொடுத்து ஆட்சிக்கு வந்த பிரதமர் மோடி, வேலைவாய்ப்பை பெருக்கவோ, பொருளாதார பேரழிவைத் தடுக்கவோ முற்றிலும் தவறிவிட்டார்.