தமிழகம் நீலகிரி மாவட்டத்தில் இ - பாஸ் அமல் எதிரொலி!: வெளிமாநில வாகனங்களின் வரத்து குறைந்தது...வெறிச்சோடும் சாலைகள்..!! Jun 14, 2021 இ- பாஸ் அமல் எதிரொலி நீலகிரி மாவட்டம் நீலகிரி: நீலகிரி மாவட்டத்திற்கு இ - பதிவு நடைமுறை ரத்து செய்யப்பட்டு இ - பாஸ் நடைமுறை அமலுக்கு வந்துள்ளதால் வெளிமாநிலங்களில் இருந்து வரக்கூடிய வாகனங்களின் வரத்து வெகுவாக குறைந்துள்ளது. நீலகிரி மாவட்டத்தில் கொரோனா பாதிப்பு அதிகரித்ததன் காரணமாக வெளி மாநிலங்கள் மற்றும் வெளி மாவட்டங்களில் இருந்து தேவையின்றி வருபவர்களின் எண்ணிக்கை குறைக்கும் வகையில் கடந்த வாரம் முதல் இ - பாஸ் நடைமுறை அமலுக்கு வந்துள்ளது. இதனால் தமிழக - கர்நாடக எல்லை, கக்கனல்லா பகுதியில் வாகனங்களின் வரத்து வெகுவாக குறைந்து வெறிச்சோடி காணப்படுகிறது. கர்நாடகாவில் இருந்து கேரளா மற்றும் தமிழ்நாட்டிற்கு வரும் காய்கறி, சரக்கு வாகனங்கள் மட்டுமே அதிகளவில் வருகின்றன. பொதுமக்கள் வரும் கார்கள் உள்ளிட்ட சிறிய ரக வாகனங்கள் வெகுவாக குறைந்துவிட்டன. அவ்வாறு வரும் வாகனங்களையும் சோதனை செய்து இ - பாஸ் அனுமதியுடன் வரும் வாகனங்களை மட்டுமே போலீசார் உள்ளே அனுமதித்துள்ளனர். முக்கிய காரணங்களை தவிர்த்து தேவையற்ற காரணத்திற்காக மாவட்டத்திற்குள் வர இ - பாஸ் அனுமதி வழங்கப்படாத காரணத்தால் மிக குறைந்த அளவிலான கார்கள் மட்டுமே வருவதாக அங்குள்ள போலீசார் தெரிவித்துள்ளனர். இதேபோல் கேரளாவை ஒட்டிய தமிழக எல்லை பகுதிகளான நாடுகானி, சேரம்பாடி, தாலூர், நம்பியார்க்குன்னு, பாட்டவயல் உள்ளிட்ட எல்லை பகுதிகளில் உள்ள சோதனை சாவடிகளில் வாகன போக்குவரத்து வெகுவாக குறைந்து வெறிச்சோடி காணப்படுகிறது. நீலகிரி மாவட்டத்திற்குள் வரும் வெளிமாநில வாகனங்களுக்கு எல்லை பகுதிகளில் உள்ள சோதனை சாவடிகளில் பசுமை நுழைவு வரி வசூலிக்கப்பட்டு வருகிறது. இந்த பணிகளில் முன்னாள் ராணுவத்தினர் ஈடுபட்டு வருகின்றனர்.
கோவையில் இருந்து கேரளாவிற்கு கனிம வளம் கடத்தலை தடுக்க நடவடிக்கை எடுக்க வேண்டும்: தமிழக அரசுக்கு அன்புமணி வலியுறுத்தல்
கோடைகாலத்தில் சூரியனிலிருந்து வரும் புற ஊதா கதிர்வீச்சால் கண்புரை, விழிப்புள்ளி சிதைவு நோய்கள் ஏற்பட வாய்ப்பு: மருத்துவர்கள் எச்சரிக்கை
அரசுப் பள்ளி மாணவர்களுக்காக தமிழ்நாடு அரசு நடத்தும் இலவச நீட் பயிற்சி வகுப்பு: 128 மையங்களில் தீவிர பயிற்சி
கனடா போட்டியில் வரலாறு படைத்த செஸ் வீரர் குகேஷுக்கு ரூ.75 லட்சம் ஊக்கத்தொகை: முதல்வர் மு.க.ஸ்டாலின் வழங்கினார்
தேர்தலில் பணப்பட்டுவாடா, போஸ்டர் யுத்தம், போலீசில் புகார் எதிரொலி; அண்ணாமலை தலைமையில் இன்று நடக்க இருந்த பாஜ ஆலோசனை கூட்டம் திடீர் ரத்து: பரபரப்பு தகவல்கள்
தமிழ்நாட்டில் வெயிலின் தாக்கம் அதிகரிப்பு; ஜூன் மாதம் இறுதி வரை ஓஆர்எஸ் கரைசல் விநியோகம்: பொது சுகாதாரத்துறை உத்தரவு