சென்னை: பிரபல ஹாலிவுட் தயாரிப்பு நிறுவனமான மெட்ரோ கோல்ட்வின் மேயர் என்கிற எம்ஜிஎம் நிறுவனத்தை 8.45 பில்லியன் அமெரிக்க டாலருக்கு அமேசான் நிறுவனம் வாங்கியுள்ளது. இது இந்திய மதிப்பில் 62 ஆயிரம் கோடி ரூபாய் ஆகும். ஹாலிவுட் தயாரிப்பு நிறுவனமான எம்ஜிஎம், இதுவரை 4 ஆயிரம் திரைப்படங்களையும், 17 ஆயிரம் டி.வி நிகழ்ச்சிகளையும் தயாரித்துள்ளது. இது அமேசானின் ஸ்டுடியோஸ், திரைப்படம், ஸ்ட்ரீமிங் மற்றும் டி.வி பிரிவுகளுக்கு உதவும் என்று கூறப்படுகிறது.