புதுடெல்லி: பிரான்ஸ் நாட்டில் இருந்து 36 ரபேல் போர் விமானங்கள் வாங்குவதற்காக கடந்த 2016ம் ஆண்டு மத்திய அரசின் சார்பில் பிரான்ஸ் நிறுவனத்துடன் ஒப்பந்தம் போடப்பட்டது. இதில் முறைகேடு நடந்துள்ளதாக புதிய குற்றச்சாட்டு எழுந்துள்ளது. பிரான்ஸ் செய்தி நிறுவனம் ஒன்று ரபேல் ஒப்பந்தத்தில் விமானத்தை தயாரிக்கும் நிறுவனம் மூலமாக இந்தியாவை சேர்ந்த இடைதரகருக்கு ₹9.5 கோடி அளவுக்கு லஞ்சம் கொடுக்கப்பட்டுள்ளதாக சமீபத்தில் செய்தி வெளியிட்டது. இந்நிலையில் வழக்கறிஞர் சர்மா என்பவர் உச்சநீதிமன்றத்தில் பொதுநலன் மனு ஒன்றை தாக்கல் செய்துள்ளார்.