டெல்லி: கொரோனா பாதிப்பில் உலக அளவில் அதிகம் பாதிக்கப்பட்ட நாடுகளில் பிரேசில் 2வது இடத்திற்கு சென்றது. அமெரிக்கா முதலிடத்தில் உள்ளது. கடந்த ஓராண்டுக்கும் மேலாக உலக நாடுகளை அச்சுறுத்து வரும் கொரோனா வைரஸ் தாக்குதலால் ஏழை, பணக்கார நாடுகள் என்ற பேதமில்லாமல் உலக மக்கள் அனைவரும் தொற்று நோயால் கடும் பாதிப்பை சந்தித்து வருகின்றனர். இடையில் சிறிதளவு கட்டுக்குள் வந்த கொரோனா பரவல் தற்போது இந்தியா உட்பட பல நாடுகளிலும் மீண்டும் வேகமெடுத்து வருகிறது. அந்த வகையில் கொரோனா பாதிப்பில் உலக அளவில் இந்தியாவை முந்தி பிரேசில் 2ம் இடத்துக்கு வந்துள்ளது. இந்தியா கொரோனா பாதிப்பில் 3ம் இடத்துக்கு வந்துள்ளது.