ஹைதராபாத்: வீடு கட்டுவதற்காக விவசாயி ஒருவர் பெட்டியில் பாதுகாத்து வந்த 5 லட்சம் ரூபாயை கரையான்கள் தின்று தீர்த்துள்ள விசித்திர நிகழ்வு ஆந்திராவில் அரங்கேறியிருக்கிறது. ஆந்திர மாநிலம் கிருஷ்ணா மாவட்டத்தில் உள்ள மைலவரம் கிராமத்தை சேர்ந்தவர் ஜமலையா. விவசாயியான இவர், வீட்டில் பன்றிகளையும் வளர்த்து வருகிறார். வேளாண் தொழிலில் பல ஆண்டுகளாக உழைத்து சிறிது சிறிதாக பணத்தை சேர்ந்த அவர், வங்கியில் கணக்கு இல்லாததால் வீட்டிலேயே இரும்பு பெட்டி ஒன்றில் அதனை பாதுகாத்து வைத்திருந்தார். இந்நிலையில் வீடுகட்டும் பணிக்கு பணம் தேவைப்பட்டதை அடுத்து பெட்டியை திறந்த ஜமலையா குடும்பத்திற்கு அதிர்ச்சி காத்திருந்தது.