புதுடெல்லி: பசுவுடன் இருந்த கன்றுக்குட்டியை கொடூரமாக தாக்கி இம்சித்தவர் அதிரடியாக கைது செய்யப்பட்டார். கமல் சிங் என்பவர் முக்கியமான சில ஆவணங்களுடன் கிழக்கு டெல்லியில் நடந்து சென்ற போது, ஓரிடத்தில் பசுவும், கன்றுக்குட்டியும் சேர்ந்திருந்தன. திடீரென கன்றுக்குட்டி துள்ளி குதித்து கமல் மீது மோதியது. அதில் சிங்கின் கையில் இருந்த ஆவணங்கள் காற்றில் பறந்தன. அதனால் ஆத்திரம் அடைந்த சிங், ஆவணங்கள் காற்றில் மேலும் அடித்துக் கொண்டு போனால் என்னாவது எனும் கவலையின்றி, சாலையில் இருந்து கற்களை பொருக்கி, தன் மீது மோதிய கன்றுக்குட்டி மீது சரமாரியாக வீசினார். காயமடைந்த கன்றுக்குட்டி தரையில் சாய்ந்தது. அதற்குப் பின் ஆவணங்களை சேகரித்து சிங் அங்கிருந்து சென்றார்.