மெல்போர்ன்: இந்திய அணியுடன் சிட்னியில் நடைபெற உள்ள 3வது டெஸ்ட் போட்டிக்கான ஆஸ்திரேலிய அணியில், காயம் காரணமாக ஓய்வெடுத்து வந்த டேவிட் வார்னர், வில் புகோவ்ஸ்கி சேர்க்கப்பட்டுள்ளனர். அடிலெய்டில் நடந்த முதல் டெஸ்ட் போட்டியில் அபாரமாக வென்று முன்னிலை பெற்ற ஆஸ்திரேலிய அணி, அடுத்து மெல்போர்னில் நடந்த 2வது டெஸ்டில் இந்திய அணியிடம் சரணடைந்தது. இதனால் அதிர்ச்சி அடைந்த ஆஸி. அணி நிர்வாகம், சிட்னியில் நடைபெற உள்ள 3வது டெஸ்ட் போட்டிக்கான அணியில் அதிரடி மாற்றங்களை செய்துள்ளது. மொத்தம் 18 வீரர்கள் அடங்கிய அணி நேற்று அறிவிக்கப்பட்ட நிலையில், 2வது டெஸ்டில் சொதப்பிய தொடக்க வீரர் ஜோ பர்ன்ஸ் நீக்கப்பட்டுள்ளார்.