ஊட்டி : ஊட்டி-மஞ்சூர் சாலையில் ராக்லாண்ட் அருகே வனப்பகுதியில் போதிய பராமரிப்பின்றி இருந்த தடுப்பணை வனத்துறை சார்பில் சீரமைக்கப்பட்டுள்ளது. நீலகிரியில் தற்போது கோடை வெயில் நிலவி வரும் நிலையில் வனங்களில் உள்ள நீர் நிலைகள் வற்ற துவங்கியுள்ளன. வனங்களில் உள்ள பல தடுப்பணைகள் போதிய பராமரிப்பின்றி காணப்படுகின்றன. அவற்றில் மண் குவிந்து காணப்படுவது மட்டுமின்றி, சிறு சிறு துளைகள் ஏற்பட்டு அவற்றில் தண்ணீர் கசிந்து வீணாகி வருகின்றன. இதனால் அவற்றை பராமரிக்க வேண்டும் என கோரிக்கை எழுந்துள்ளது.