புதுடெல்லி: மாநிலங்களவைக்கு போட்டியின்றி தேர்வு செய்யப்பட்ட 37 எம்பி.க்களின் பதவியேற்பு ஒத்திவைக்கப்பட்டு உள்ளது. தமிழகம் உள்ளிட்ட 17 மாநிலங்களை சேர்ந்த 55 மாநிலங்களவை உறுப்பினர்களின் பதவிக் காலம் நேற்று (ஏப்ரல் 2) மற்றும் 13ம் தேதியுடன் முடிவடைகிறது. இதனால், புதிய உறுப்பினர்களைத் தேர்வு செய்வதற்கான தேர்தல் மார்ச் 26ம் தேதி நடைபெறும் என்று அறிவிக்கப்பட்டிருந்தது. ஆனால், கொரோனா காரணமாக இத்தேர்தல் நடக்கவில்லை. இதனிடையே, தமிழகத்தில் திமுக, அதிமுக உறுப்பினர்கள் 6 பேர் உள்பட நாடு முழுவதும் 37 பேர் போட்டியின்றி தேர்வு செய்யப்பட்டனர்.