டெல்லி: விளையாட்டு போட்டிகள், வீரர்களை தேர்வு செய்வதை ஒத்திவைக்க மத்திய விளையாட்டுத்துறை அமைச்சகம் உத்தரவிட்டுள்ளது. கொரோனா வைரஸ் பரவல் தடுப்பு நடவடிக்கையாக ஏப்ரல்.15 வரை ஒத்திவைக்க உத்தரவிடப்பட்டுள்ளது. கொரோனா வைரஸ் பரவல், நான்கு கட்டங்களாகப் பாதிப்பை ஏற்படுத்தும் என்ற நிலையில், இந்தியா தற்போது 2வது  கட்டத்தில் உள்ளது. இந்தியாவில் வைரஸ் பாதித்தோர் எண்ணிக்கை 169ஆக அதிகரித்துள்ளது.

இதற்கிடையே முன்னெச்சரிக்கை நடவடிக்கையாக பள்ளி, கல்லூரிகளுக்கு வரும் 31ம் தேதி வரை மூட  உத்தரவிடப்பட்டுள்ளது. இந்நிலையில் மத்திய விளையாட்டுத்துறை அமைச்சகம் முக்கிய அறிவிப்பை வெளியிட்டுள்ளது. அதில் கூறியிருப்பதாவது; ஏப்ரல் 15-ம் தேதி வரை போட்டிகள் அல்லது தேர்வு சோதனைகள் உள்ளிட்ட எந்த விளையாட்டு நிகழ்வுகளையும் நடத்துவதற்கு எதிராக அனைத்து விளையாட்டு அமைப்புகளும் அவற்றின் துணைப் பிரிவுகளும் அறிவுறுத்தப்படுகின்றன.

ஒலிம்பிக்கிற்குச் செல்லும் விளையாட்டு வீரர்கள் தங்கள் பயிற்சி முகாமில் பங்கேற்காத எவரிடமிருந்தும் தனிமைப்படுத்த வேண்டும். கொரோனா தொற்றுநோய்க்கான சரியான தனிமைப்படுத்தப்பட்ட நெறிமுறைகளைப் பின்பற்றாமல் ஒலிம்பிக் முகாம்களில் எந்தவொரு கேம்பர் அல்லாத விளையாட்டு வீரர், பயிற்சியாளர் அல்லது ஆதரவு ஊழியர்களையும் அனுமதிக்க வேண்டாம் என்றும் கூட்டமைப்புகளுக்கு உத்தரவிடப்பட்டுள்ளது. பயிற்சி நடைபெறும் வளாகத்தில் விளையாட்டு வீரர்களுக்கு எந்த வெளிப்பாடும் வெளியில் இருந்து அனுமதிக்கப்படாது.