மெல்போர்ன்: மகளிர் முத்தரப்பு டி20 தொடரின் லீக் ஆட்டத்தில், இந்திய அணி 7 விக்கெட் வித்தியாசத்தில் ஆஸ்திரேலியாவை வீழ்த்தியது. ஜங்ஷன் ஓவல் மைதானத்தில் நேற்று நடந்த இப்போட்டியில், டாசில் வென்ற இந்தியா முதலில் பந்துவீசியது. ஆஸி. மகளிர் அணி 20 ஓவரில் 5 விக்கெட் இழப்புக்கு 173 ரன் குவித்தது. ஆஷ்லி கார்ட்னர் 93 ரன் (57 பந்து, 11 பவுண்டரி, 3 சிக்சர்), கேப்டன் மெக் லான்னிங் 37 ரன் எடுத்தனர். அடுத்து களமிறங்கிய இந்தியா 19.4 ஓவரில் 3 விக்கெட் இழப்புக்கு 177 ரன் எடுத்து வென்றது.