கும்பகோணம்: கும்பகோணம் அருகில் உள்ள தாராசுரம் மார்க்கெட் அருகில் உள்ள கிருஷ்ணன் கோயிலுக்கு சொந்தமான மல்லுக குளத்தை , அந்த பகுதியை சேர்ந்த சண்முகம் என்பவர் ஒன்றரை வருடங்களுக்கு முன் குத்தகைக்கு எடுத்து அதில் மீன்கள் வளர்த்து வந்தார். தற்போது ஒவ்வொரு மீனும் ஒன்றரை கிலோ முதல் 2 கிலோ வரை வளர்ந்த நிலையில் விரைவில் மீன்களை பிடித்து விற்க திட்டமிட்டிருந்தார். இந்த நிலையில் இன்று காலை சண்முகம் குளத்திற்கு வந்தபோது மீன்கள் அனைத்தும் செத்து மிதந்தன. இதனால் சண்முகம் அதிர்ச்சி அடைந்தார்.