சவுத்தாம்ப்டன்: உலக கோப்பையில் தென் ஆப்ரிக்கா - வெஸ்ட் இண்டீஸ் அணிகளிடையே நேற்று நடந்த லீக் ஆட்டம் கனமழை காரணமாக கைவிடப்பட்டதை அடுத்து, இரு அணிகளுக்கும் தலா 1 புள்ளி வழங்கப்பட்டது. ரோஸ்பவுல் மைதானத்தில் நேற்று நடந்த இப்போட்டியில், டாசில் வென்ற வெஸ்ட் இண்டீஸ் அணி முதலில் பந்துவீச்சை தேர்வு செய்தது. தென் ஆப்ரிக்க தொடக்க வீரர்களாக டி காக், அம்லா களமிறங்கினர். அம்லா 6 ரன் எடுத்து காட்ரெல் வேகத்தில் கிறிஸ் கேல் வசம் பிடிபட்டார். அடுத்து வந்த மார்க்ராமும் 5 ரன் மட்டுமே எடுத்த நிலையில் காட்ரெல் பந்துவீச்சில் விக்கெட் கீப்பர் ஷாய் ஹோப் வசம் கேட்ச் கொடுத்து பெவிலியன் திரும்பினார்.