சவுத்தாம்ப்டன்: பாகிஸ்தான் அணியுடனான 2வது ஒருநாள் போட்டியில், ஜோஸ் பட்லரின் அதிரடி சதத்தால் இங்கிலாந்து அணி 3 விக்கெட் இழப்புக்கு 373 ரன் குவித்தது. ரோஸ் பவுல் மைதானத்தில் நேற்று நடந்த இப்போட்டியில், டாசில் வென்ற பாகிஸ்தான் அணி முதலில் பந்துவீசியது. இங்கிலாந்து தொடக்க வீரர்களாக ஜேசன் ராய், ஜானி பேர்ஸ்டோ களமிறங்கினர். சிறப்பாக விளையாடி அரை சதம் அடித்த இருவரும் முதல் விக்கெட்டுக்கு 115 ரன் சேர்த்து வலுவான அடித்தளம் அமைத்தனர். பேர்ஸ்டோ 51 ரன் (45 பந்து, 6 பவுண்டரி), ராய் 87 ரன் (98 பந்து, 6 பவுண்டரி, 3 சிக்சர்) எடுத்து வெளியேற, ஜோ ரூட் 40 ரன்னில் (54 பந்து, 3 பவுண்டரி) பெவிலியன் திரும்பினார்.