* இன்டர்நெட், ஷாப்பிங், உணவு, கஃபைன், புகையிலை, போதைப் பொருள், செக்ஸ், சூதாட்டம் ஆகிய 8 விஷயங்களில் ஏதேனும் ஒன்றுக்கு உலக மக்களில் பெரும்பகுதியினர் பழகிப் போய் அடிமையாக மாறியிருக்கிறார்கள். ஆனால், இந்த எட்டையும் தாண்டி, எட்டாத உயரத்தில் இருக்கிறது குடி!
* சாதாரணமாக ஆரம்பிக்கும் ஒரு தேவையை நாளடைவில் அடிமைத்தனமாக மாற்றுவது மூளையில் இருக்கும் Reward center என்ற பகுதிதான்.
* போதைப்பொருட்கள் மூளையில் என்னவெல்லாம் மாற்றங்களை ஏற்படுத்துகிறதோ, அதே வேதியியல் மாற்றங்களைத்தான் இன்டர்நெட்டும் மூளையில் ஏற்படுத்துகிறது. * ‘மது மற்றும் போதைப் பொருட்கள் உட்கொள்வதில்லை என்பதில் நான் அதிக தீவிரத்துடன் இருக்கிறேன். ஏனெனில் வாழ்க்கை மிக அழகானது!’ என்ற ஹாலிவுட் நடிகர் ஜிம் கேரியின் புகழ்பெற்ற வாசகம் ஒவ்வொருவரும் மனதில் எழுதி வைத்துக் கொள்ள வேண்டிய ஒன்று.
* மதுவின் நச்சுத்தன்மைக்கு பெண்கள் எளிதில் ஆட்படுவார்கள். ஒரு நாளைக்கு 60 மி.லி. அளவு குடித்தால் கூட, பெண்ணின் உடல் தன்மைக்கு அதிக பாதிப்பை உண்டு பண்ணும். * இருமல் மருந்தில் வலியைத் தாங்கி, தூக்கத்தைத் தருவதற்காக சேர்க்கப்படும் கொடின் வகை மருந்துகளை போதையை விரும்புகிறவர்கள் தவறாகப் பயன்படுத்திக் கொள்கிறார்கள். இதனால் நரம்பு மண்டலம் பாதிக்கப்பட்டு மனநோயாளியாகும் வாய்ப்பு அதிகம். * சிர்ரோசிஸ் எனும் கல்லீரல் பிரச்னை காரணமாக உயிர் இழப்போரில் பாதிக்கும் மேற்பட்டோர் மதுவினால்தான் அந்த நிலைக்குத் தள்ளப்படுகின்றனர். * உடலில் ஒரே நேரத்தில் பல உறுப்புகளைப் பாதிக்கிற ஒரு வஸ்து இருக்கிறது என்றால், அது புகையிலைதான். இதில் 4 ஆயிரத்துக்கும் அதிகமான நச்சுக்கள் இருக்கின்றன. * எந்த போதைப் பழக்கத்துக்கு ஆளானவர்களையும் அந்தப் பழக்கத்திலிருந்து மீட்டுக் கொண்டு வருவது சாத்தியம்தான். தகுந்த கவுன்சலிங் மற்றும் மருத்துவ சிகிச்சைகள் இருக்கின்றன. போதைக்கு ஆளானவர் நமக்கு ஒத்துழைப்பு கொடுத்தால் குணமாகும் வேகம் அதிகமாகும்.* புகையிலையில் உள்ள நிக்கோட்டின் தீவிரமான போதைப் பழக்கத்தை உண்டாக்கும் ஒரு பொருளாக உள்ளது. அது சில நாட்களுக்கு உற்சாக உணர்வைத் தரும். ஆனால் நாட்கள் செல்ல செல்ல உங்கள் இதயம், நுரையீரல், வயிறு மற்றும் நரம்பு மண்டலம் போன்றவற்றில் பாதிப்பை ஏற்படுத்துகிறது.தொகுப்பு : ஜி.ஸ்ரீவித்யா
தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!
