பாலிவுட்டில் இருந்து கோலிவுட்டுக்கு வந்து, ஜெயம் ரவி ஜோடியாக வனமகன் என்ற தமிழ்ப் படத்தில் அறிமுகமானவர் சாயிஷா. தொடர்ந்து பல படங்களில் நடித்த அவர், தன்னுடன் கஜினிகாந்த் என்ற படத்தில் சேர்ந்து நடித்த ஆர்யாவை காதலித்து திருமணம் செய்துகொண்டு சென்னையில் குடியேறினார். பிறகு காப்பான் படத்தில் சூர்யா, ஆர்யாவுடன் இணைந்து நடித்தார். இந்நிலையில், திருமணத்துக்கு பிறகு ஆர்யா, சாயிஷா ஜோடி சேர்ந்துள்ள டெடி என்ற படத்தின் படப்பிடிப்பு முடிந்துவிட்டது. யுவரத்னா என்ற கன்னடப் படத்திலும் சாயிஷா நடித்து வருகிறார். இதற்கிடையே ஆர்யாவுடன் இணைந்து குத்துச்சண்டை கற்றுக்கொள்கிறார்.