கோர்ட், சிறை பகுதியில் தாழ்வாக பறந்த ஹெலிகாப்டரால் பரபரப்பு

கோபி: ஈரோடு மாவட்டம் கோபி கச்சேரிமேடு பகுதியில் ஒருங்கிணைந்த நீதிமன்றம், சார் ஆட்சியர் அலுவலகம், டி.எஸ்.பி. அலுவலகம், மாவட்ட சிறை, காவல் நிலையம் உள்ளிட்ட முக்கிய அரசு அலுவலகங்கள், தாலுகா தலைமை மருத்துவமனை, தாலுகா அலுவலகம், நகராட்சி அலுவலகம் என கோபியின் முக்கிய அலுவலகங்கள் உள்ளன. இது தவிர, முக்கிய வணிக பகுதியாகவும் கச்சேரிமேடு இருப்பதால், இங்கு காலை முதல் இரவு வரை பொதுமக்கள் நடமாட்டம் அதிகளவில் இருக்கும்.

இந்நிலையில், நேற்று காலை கருப்பு மற்றும் சிவப்பு நிறத்துடன் கூடிய ஹெலிகாப்டர் ஒன்று கச்சேரிமேட்டில் உள்ள முக்கிய அரசு அலுவலகங்கள் அடங்கிய பகுதியில் மிகவும் தாழ்வாக பறந்து தொடர்ந்து வட்டமிட்டது. இதனால் பரபரப்பு ஏற்பட்டது. இதைத்தொடர்ந்து அதிகாரிகள் நடத்திய விசாரணையில், ஒடிசா மாநில ஒப்பந்ததாரர் ஒருவர், கோபியில் உள்ள உறவினர் வீட்டிற்கு சொந்த ஹெலிகாப்டரில் வந்ததும், அது கோபியை வட்டமிட்டு பறந்ததும் தெரியவந்தது.

The post கோர்ட், சிறை பகுதியில் தாழ்வாக பறந்த ஹெலிகாப்டரால் பரபரப்பு appeared first on Dinakaran.

Related Stories: