சென்னை: 1 முதல் 12ம் வகுப்பு வரையிலான தமிழ்ப் பாடப் பகுதிகளை குறைத்து பள்ளிக் கல்வித்துறை நடவடிக்கை மேற்கொண்டுள்ளது. தமிழ் புத்தகங்களில் பாடப் பகுதிகள் அதிகமாக உள்ளதால் மாணவர்கள் சிரமப்படுவதாக வந்த தகவல் அடிப்படையில் முடிவு எடுக்கப்பட்டுள்ளது. பல்வேறு தரப்பினரிடம் இருந்து வந்த கோரிக்கைகளின் அடிப்படையில் தமிழ்ப் பாடப் பகுதிகள் குறைக்கப்பட்டுள்ளது.

1 முதல் 12ம் வகுப்பு வரை தமிழ்ப் பாடப் புத்தகங்களில் உள்ள நீண்ட பாடப் பகுதிகள் அதிகபட்சம் 40% வரை குறைக்கப்பட்டுள்ளது. புத்தகங்களில் உள்ள நீண்ட பாடப் பகுதிகள் குறைக்கப்பட்டு பொருத்தமற்ற பாடக் கருத்துகள் நீக்கப்பட்டுள்ளன. 6, 7, 8ம் வகுப்பு தமிழ் புத்தகங்களில் 9 பாடங்கள் 8 ஆகவும், 9, 10ம் வகுப்பு புத்தகங்களில் 9 பாடங்கள் 7 ஆகவும் குறைக்கப்பட்டுள்ளது. 11, 12ம் வகுப்பு தமிழ்ப் பாடப் புத்தகங்களில் 8 பாடங்கள் 6 ஆகவும் குறைக்கப்பட்டுள்ளன.

 

The post 1 முதல் 12ம் வகுப்பு வரையிலான தமிழ்ப் பாடப் பகுதிகளை குறைத்து பள்ளிக் கல்வித்துறை நடவடிக்கை! appeared first on Dinakaran.