மியாமி: மியாமி ஓபன் டென்னிஸ் மகளிர் ஒற்றையர் பிரிவில் உலகின் 9ம் நிலை வீராங்கனை மிர்ரா ஆண்ட்ரீவா அதிர்ச்சித் தோல்வி அடைந்து வெளியேறினார். அமெரிக்காவின் மியாமி நகரில் மியாமி ஓபன் டென்னிஸ் போட்டிகள் நடந்து வருகின்றன. நேற்று நடந்த 3வது சுற்று, மகளிர் ஒற்றையர் பிரிவு போட்டியில், உலகின் 9ம் நிலை வீராங்கனையான ரஷ்யாவின் மிர்ரா ஆண்ட்ரீவா, அமெரிக்க வீராங்கனை அமண்டா அனிஸிமோவா உடன் மோதினார். முதல் இரு செட்களில் ஆளுக்கொன்றை கைப்பற்றிய நிலையில், 3வது செட்டை அமண்டா வசப்படுத்தினார். அதனால், 7-6, 2-6, 6-3 என்ற செட் கணக்கில் அமண்டா வென்று அடுத்த சுற்றுக்கு முன்னேறினார்.

The post மியாமியில் மிர்ராவை மிஞ்சிய அமண்டா appeared first on Dinakaran.