சென்னை: அரசு பள்ளிகளில் 2024-25ம் கல்வியாண்டில் 10ம் வகுப்பு படிக்கும் மாணவர்களுக்கான தமிழ்நாடு முதலமைச்சரின் திறனாய்வுத் தேர்வு 2025 ஜனவரி மாதம் 25ம் தேதி நடைபெற இருக்கிறது. இந்த தேர்வுக்கு மாணவர்கள் www.dge.tn.gov.in என்ற இணையதளத்தில் வருகிற 30ம் தேதி (நாளை மறுதினம்) முதல் டிசம்பர் 9ம் தேதி வரை பதிவிறக்கம் செய்து, பூர்த்தி செய்த விண்ணப்பத்துடன் தேர்வு கட்டணம் ரூ.50 செலுத்தி அவர்கள் படிக்கும் பள்ளி தலைமை ஆசிரியரிடம் ஒப்படைக்க வேண்டும். 9 மற்றும் 10ம் வகுப்புகளில் கணிதம், அறிவியல், சமூக அறிவியல் பாடப்புத்தகங்களில் உள்ள பாடத்திட்டங்களின் அடிப்படையில் கொள்குறி வகை தேர்வுகளாக நடத்தப்பட இருக்கின்றன. தேர்வு செய்யப் படுபவர்களுக்கு ஒரு மாதத்துக்கு ரூ.1,000 வீதம் மொத்தம் ரூ.10 ஆயிரம் வழங்கப்படும் என அரசு தெரிவித்துள்ளது.

The post தமிழ்நாடு முதலமைச்சரின் திறனாய்வுத் தேர்வு: 30ம் தேதி முதல் விண்ணப்பிக்கலாம் appeared first on Dinakaran.