புதுக்கோட்டை: புதுக்கோட்டை மாநகராட்சி பகுதிகள் காலை முதல் பரவலாக மழை பெய்தது. புதுக்கோட்டை மாநகராட்சி பகுதி முழுவதும் அதேபோல் ஆலங்குடி, கீரனூர், வடகாடு, கொத்தமங்கலம், கீரமங்கலம், பெருங்களூர், ஆதனகோட்டை, அன்னவாசல் உள்ளிட்ட மாவட்டத்தின் அனைத்து பகுதிகளிலும் சாரல் மழை முதல் மிதமான மழை வரை பெய்தது. புதுக்கோட்டை மாவட்டத்திற்கு ஆரஞ்சு எச்சரிக்கை விடுக்கப்பட்ட நிலையிலும் மழை தொடர்ந்து வரக்கூடிய நிலையிலும் பள்ளி கல்லூரிகளுக்கு மாவட்ட நிர்வாகம் விடுமுறை அளிக்காததால் மாணவர்கள் அவதிப்பட்டனர். இரவு முழுவதும் தூறல் மழை பெய்தது. இன்று புதுக்கோட்டை மாவட்டத்தில் கனமழை பெய்யும் என எச்சரிக்கைப்பட்டுள்ளதால் பொதுமக்களின் இயல்பு வாழ்க்கை நேற்றை போல் இன்றும் பெருமளவு பாதிக்கும் நிலை ஏற்பட்டுள்ளது.

The post புதுக்கோட்டை மாநகராட்சி பகுதிகள் காலை முதல் பரவலாக மழை appeared first on Dinakaran.