உத்திரமேரூர்: உத்திரமேரூர் அருகே, திருமுக்கூடல் கிராமத்தில் சாலவாக்கம் போலீசார் நேற்று முன்தினம் இரவு வாகன தணிக்கையில் ஈடுபட்டிருந்தனர். அப்போது, அவ்வழியாக மணல் ஏற்றி வந்த லாரியை மடக்கி பிடித்து சோதனை செய்தபோது, உரிய ஆவணங்கள் இன்றி மணல் கொள்ளையடித்துச் சென்றது தெரியவந்தது. இதனையடுத்து, மணல் திருட்டில் ஈடுபட்ட நரப்பாக்கம் கிராமத்தைச் சேர்ந்த சதீஷ்குமார் மற்றும் பாலூர் கிராமத்தைச் சேர்ந்த தனலட்சுமி ஆகிய இருவரையும் கைது செய்து மணல் கொள்ளைக்கு பயன்படுத்திய லாரியினை போலீசார் பறிமுதல் செய்தனர். மேலும் இதுகுறித்து வழக்குப்பதிவு விசாரணை நடத்தி வருகின்றனர்.

The post மணல் கடத்திய பெண் உட்பட 2 பேர் கைது appeared first on Dinakaran.